Muchanan y Carnaval

Articulo pa siman di 10 februari 2014
Muchanan y Carnaval
Den e temporada aki ta bon pa tene cuenta cu e Derechonan di Mucha, mucha ta tur persona
di 0 pa 18 aña. Specialmente mester tene cuenta cu e derecho riba diberticion sano, e derecho
riba amor, comprenshon y cariño y e derecho riba proteccion contra maltrato, descuido y
negligencia. Fundacion Pa Nos Muchanan kier duna algun punto di atencion y alternativa pa
tene cuenta ora ta trata di muchanan y carnaval.
Algun punto en general:
*
*
*
*
*
Percura pa muchanan drumi tempran e anochi promer cu e evento
Duna nan mainta un bon desayuno pero cu no ta mucho pisa y vet, manera un thee cu
sandwich of cornflakes, asina nan por tin forsa pa pasa bon
Hiba coi hunga pa ora mester warda riba yegada di parada. Laga nan mes scoge esaki
y bai cu suficiente material.
No forsa mucha pa bai wak parada. Si e no kier bai parada, depende di su edad, yega
hunto na un solucion. Pensa riba talvez otro amigo cu tampoco lo bai parada y cu e lo
por bai hunga serca dje.
Si e mucha ta malo, no bai parada cune, pero busca otro alternativa.
Si acaso bo no ta hiba bo yiu wak parada y bo mester di hende pa wak p’e:
*
*
*
Busca un famia of conocir pa babysit pa bo
Si bo yiu ta bai un pasadia of crèche bo por puntra si nan ta habri riba dianan di
parada of si tin lider cu ta wak pa mucha.
Check via Fundacion Pa Nos Muchanan cua pasadia of crèche ta keda habri of ta
ofrece servicio di babysit pa otro mucha.
Ta importante pa sa delanta algun punto tocante e lugar unda bo lo laga bo yiu: E.o. e orario
cu e crèche lo ta habri, prijs, e servicionan cu ta ofrece, cuanto adulto tin pa wak pa e
muchanan, e persona cu ta wak pa bo yiu ta un persona responsabel, amabel y sa di desaroyo
di mucha, ki actividadnan lo haci cu e muchanan y ta tene cuenta cu edad di mucha, e lugar ta
limpi, fresco y safe.
Aki nos ta ripiti algun tips pa ora bai wak carnaval cu bo yiu:
*
*
*
*
*
*
*
*
*
Busca un luga fresco cu sombra pa sinta
Bisti bo yiu paña fresco
Hunta su curpa cu sun-block lotion (30 – 50 SPF) y no pone glitter riba su cuero.
Proteha su oido, usando earplugs y aleha di zonido mucho duro
Duna bo yiu hopi likido pa bebe (preferibel awa)
No laga mucha jump pega cu speakernan wak pa mucha no core pasa dilanti carosa,
bodypiece y trucknan. Tambe wak pa nan no cana cerca di e tairanan.
Papia cu bo yiu tocante loke e ta mira, scucha loke e ta bisa y contesta su
preguntanan. Tambe por haci un wega cu loke e ta mira. P.e. conta cuanto hende
disfrasa mescos ta pasa, menciona e color di plumanan (Laga carnaval ta algo
educativo)
Ora bo yiu duna señal di cansancio of e tin miedo, mustr’e bo comprension. Bai para
pa un lugar menos druk y cu menos zonido.
Despues cu parada caba, no keda te laat cu mucha riba caya. Hiba nan cas pa sosega y
duna nan algo leve pa come, manera sopi.
Mayornan ta e promer responsabel pa educacion y proteccion di nan yiunan. Corda cu
den tempo di carnaval tambe mester duna e mucha un bon guia, un bon ehempel y e
proteccion necesario.
Laga nos tur coöpera pa nos muchanan por pasa bon.
E articulo aki ta traha dor di Fundacion Pa Nos Muchanan.
Pa mas informacion por aserca nos libremente na Cumana 2 of via tel. 583-4247 / 588-0856, fax.
583-5658, website: www.fpnm.aw y Face book.