Programa IU Siero 07 n`asturianu

a
m
a
r
g
U
Y
o
E
r
P CONC
AL
P´
7
0
0
2
Plaza Les Campes, 19
Telf.: 985 725 077 - LA POLA
[email protected]
www.iusiero.org
´
UNA APUESTA
SIERO
DENDE LA ESQUIERDA PA
Otra vuelta mos tamos averando a un procesu eleutoral, que s’amuesa decisivu pal futuru de los
vecinos de Siero.
Estos cuatro años, Izquierda Xunida amosóse como una fuercia con capacidá pa gobernar, d’una
manera seria, pero ensin perder el so espíritu críticu. Esto, delles veces difícil, supunxo un gran volume
de trabayu, xestionando árees importantes de la vida del Conceyu, pero al tiempu siendo la voz de los
ciudadanos d’esquierda en Siero y nes sos instituciones.
Paezmos que’l balance ye positivu, y por eso afrontamos el procesu eleutoral con gran ilusión, y
cola esperanza de que los vecinos dean un xiru hacia la única forma de gobernar que s’amosó eficaz
y coherente coles opciones de la esquierda tresformadora.
Nesta ocasión presentámosmos xuntes tres fuercies polítiques, coles sos apuestes ideolóxiques
y personales diferenciaes, pero col elementu común de faer avanzar el conceyu hacia un xeitu de
gobiernu más solidariu, pero tamién más eficiente y tresparente.
Izquierda Xunida, Bloque por Asturies, Los Verdes preséntase p’avanzar nuna opción más azul,
asturiana, más verde, pero tamién más roxa. Los colores exemplifiquen esa pluralidá d’idees que supón
IX-BA-Los Verdes, col oxetivu d’avanzar na construcción d’una manera de gobernar diferente.
Gracies a la nuesa presencia nel gobiernu avánzase nos drechos de los asturianos, a preservar
el so país, la so llingua y la so identidá; gracies a la nuesa presencia de gobiernu les polítiques que se
desarrollen van tener en cuenta la calidá ambiental, el cudiáu del mediu, el saniamientu de los nuesos
pueblos, la reducción de los contaminantes y l’aforru enerxéticu; gracies a la nuesa presencia nes
instituciones, los más desfavorecíos van siguir teniendo una voz, va avanzase en polítiques d’igualdá
y emplegu, va apostase por viviendes de promoción pública, por apuestes reindustrializadores, por
apuestes pola solidaridá internacional.
Gracies a vós vamos tener la posibilidá de llevar alantre los plantegamientos que recoyemos nesti
programa eleutoral, y que son el productu d’un gran equipu d’afiliaos y simpatizantes, que recoyeron
durante varios meses los pidimientos de los ciudadanos del conceyu.
Aguardamos el vuesu sofitu, pa tener más pesu, más fuercia y poder gobernar ensin tener que
depender de les arbitrariedaes d’otros partíos, que demostraron mirar más pa los sos intereses que pa
los de la ciudadanía. Aguardamos el vuesu sofitu pa cambiar Siero.
MEDIU
AMBIENTE
• Apuesta prioritaria pol saniamientu del conceyu:
- Conveniu cola Xunta de Saniamientu pa la meyora d’estaciones depuradores.
- Interceptor La Pola-Lieres.
- Programar la dotación de rede de cantarelláu a tolos núcleos, dando preferencia según
población.
- Programa de xestión de residuos de les depuradores de forma ecolóxica y utilizando les enerxíes
renovables.
• Abastecimientu d’agua: integración paulatina de les cooperatives na rede del Conceyu a traviés
d’una planificación por aniellos.
• Recuperar y caltener antiguos acuíferos como exes subsidiaries, calteniendo les redes d’agua
actuales.
• Ellaborar un estudiu de movilidá global dientro del conceyu pal diseñu coherente d’una rede de
tresporte públicu, baxo les premises de la intermodalidá (tren/bus/tren-tran), asina como’l control
de les concesiones de tresporte, ameyorando la so frecuencia y horarios.
• Crear un plan integral de residuos, dando preferencia a la potenciación de los sistemes de recoyida
selectiva (recicláu) y contemplando la so ampliación cola fracción orgánica, pa compos, metanu,
lletricidá… asina como la educación ambiental.
• Siguimientu del plan d’eliminación de vertederos y creación d’un puntu llimpiu en Llugones (zona
de La Llosa la Villa / “Parque Principado”).
• Diseñu d’un plan real de recuperación paisaxística de canteres, cola participación de la iniciativa
privada, en tanto que la mayoría d’elles son privaes.
• Propuesta de creación d’un plan d’aforru enerxéticu nes dependencies y servicios del Conceyu,
ensin que se pierda calidá, a traviés de la utilización racional de les enerxíes renovables en tolos
proyeutos y la evaluación de la eficiencia enerxética en cada casu, reduciendo la contaminación
lluminosa actual.
• Apuesta polos planes llocales d’emplegu con conteníu medioambiental específicu.
• Continuidá del plan de recuperación de fontes y llavaderos, en tanto que patrimoniu etnográficu,
asina como la meyora d’árees recreatives y otros entornos rurales, como les escueles, con zones
de xuegos infantiles o canches deportives, pa usu y esfrute de la población rural.
• Protexer y regular les zones del conceyu con un altu valor ecolóxicu (riberes de ríu, montes,
viesques...), favoreciendo la so conocencia, señalizándoles y con campañes de sensibilización.
• Desarrollar les fases del plan especial de La Peña Careses.
• Realizar un censu forestal, pa determinar los nuesos montes comunales y proceder a una campaña de
conservación, con proyeutos de zanxes escontra incendios y reforestación con especies autóctones;
integrar na acreditación del F.S.C. de los nuesos bosques públicos ya intentar que s’integren los de
titularidá privada tamién, esixéndolo nos contratos de suministru y obres.
• Intensificar la vixilancia nel respetu al mediu ambiente por parte de la policía del Conceyu, ente otros.
• Cambiar la ordenanza de mediu ambiente, acomodándola a la dómina actual.
• Ampliar y ameyorar la rede de senderismu del nuesu conceyu, asina como la so conocencia.
• Continuidá del los proyeutos de siendes fluviales, completando la de La Pola hasta El Berrón y
urbanización La Fresneda-Llugones-La Venta’l Gallu.
• Desarrollar una propuesta d’agricultura ecolóxica nes instalaciones de la casa Correos de Lieres.
• Desarrollar güertos d’ociu (destinaos a persones que viven na ciudá) na finca La Champanera de
La Pola y en L’Acebera en Llugones.
• Control y siguimientu de la ordenanza d’antenes de radio y telefonía móvil.
• Crear una empresa de xardinería del Conceyu, dando prioridá al sistema ecolóxicu, pa la xestión y
el caltenimientu de les zones verdes.
• Ampliar y ameyorar les zones verdes y parques del conceyu, con zones de xuegos infantiles y
espacios pa la xente mayor.
• Desarrollar, ameyorar y potenciar el programa de parques peri-urbanos, como sitios d’espardimientu
de la población, preséu de proteición ecolóxica de les zones, con actuaciones inocues pal entornu:
- Finca L’Acebera en Llugones y la so integración nel conxuntu del periurbanu del Naranco.
- Parque de Predes, nel entornu de La Llosa la Villa / “Parque Principado”, comunicándolu cola
sienda del Ñora en Llugones y Cualloto.
- Parque periurbanu de La Pola Siero: desarrollu de toles sos fases, dende Recuna hasta La
Champanera, en La Carrera, recoyendo, como exa intercomunicadora, el paséu fluvial y la so
utilización como ferial de romeríes.
• Aprovechamientu del agua pluvial, en circuitos pequeños (Bobes), reutilizándolo pa usos industriales,
llimpieza de cais, riegos de xardines… Usu d’agua depurao pa la mesma fin.
• Llimpiar montes como fonte pa consiguir biomasa (por exemplu pa calefaición); y descastriar pasu
ente pasu ocalitos y pinos, cola mesma fin.
• Pensar na viesca como xeneradora de munches utilidaes, con plantaciones sostenibles productores
d’alimentos (cerezal, ñozal, castañal...), amás, si ye posible, d’otres d’usu paisaxísticu. Proponiendo a
los llevadores de finques comunales esti sistema.
• El tresporte coleutivu ye una de les nueses señes d’identidá, proponemos un plan de movilidá
urbana, que combine’l tráficu rodáu cola calidá de vida.
• Incentivar la construcción bioclimática y sostenible.
• Incentivar dende’l Conceyu l’usu d’enerxíes renovables.
• Incentivar la reducción n’orixe de los residuos.
URBANISMU
Y VIVIENDA
Tresparencia y claridá lo mesmo na xestión urbanística como na planificación, de tala miente que se
dea información pública abondo pa que se faiga posible un desarrollu harmónicu y coherente de les nueses
ciudaes y pueblos, de forma participativa y baxo les premises de la sostenibilidá.
La exa fundamental tien de ser el desarrollu d’un programa de vivienda que, axuntando la iniciativa
privada y la pública, permita l’accesu a una vivienda digna a les rentes más baxes, pero tamién a esi gran
sector escaecíu de rentes medies, que nun acceden a lo público por escesu, pero que nun son a llegar a
les viviendes llibres.
• Reserva de suelu pa viviendes pa la mocedá.
• Xestión de los PXOUs de forma que permita la esistencia d’una bolsa de suelu públicu encaminada
a la cesión al Principáu pa viviendes públiques.
• Potenciar el desarrollu de vivienda protexida por promotores privaos.
• Conveniu pal desarrollu de viviendes por
cooperatives.
• Siguir plantegando’l desarrollu y la execución
en plazu de los suelos prioritarios pa viviendes
protexíes, asina como los solares vacantes.
• Apoyu al plan de promoción d’alquiler autonómicu,
tanto en viviendes nueves como usaes,especialmente
orientáu a xóvenes. Priorizar l’alquiler nes viviendes
de proteición oficial que xestione’l Conceyu.
• Siguir col plan pa desaniciar el chabolismu y la
infravivienda.
• Entamar, en pueblos con perda d’habitantes, midíes
pa fixar población; con ayudes, ventayes fiscales a les
viviendes ocupaes, bonificaciones…
• Potenciar y siguir col plan de remocique del cascu antiguu,
sobre manera no referente a fachaes y reurbanizaciones.
• Na zona urbana, criteriu prioritariu pa incrementar les
ceres y unificar materiales y calidaes, con colocación de
envís de ganar la ciudá pal peatón.
peatonalizaciones, ampliar
mobiliariu urbanu y arboláu; col
• Prioridá na eliminación de barreres arquiteutóniques, lo mesmo nes víes públiques que nos edificios.
• Construcción d’una rede progresiva de carriles bici y siendes xuníes cola intermodalidá, como
política tresversal.
• Propuesta de reordenación del tráficu nos núcleos urbanos, con adecuación y ameyoramientu de
la rede de semáforos, asina como la propuesta d’aparcamientos nel estrarradiu (depuradora de La
Pola, campu fútbol d’El Berrón, zona centru salú de Llugones).
• Xestión d’una rede d’aparcadorios soterraños públicos nos cascos urbanos, en collaboración coles
asociaciones de comerciantes, que se sumen a la ufierta privada:
La Pola Siero: Siero este, parque de La Ferlera, parque Alfonso X, La Venta la Uña.
El Berrón: antigua zona de madera Bada.
Llugones: parque de La Paz.
• Desarrollu de places d’aparcamientu en rotación nos centros urbanos. Zona verde.
• Igua de la carretera de Ferrera, con ceres y midíes específiques de seguridá vial.
• Ampliación de les zones de xuegos infantiles.
• Siguimientu y control de los proyeutos d’urbanización, pa que cumplan la normativa: viarios, zones
verdes, equipamientos urbanos, llimpieza de les cais mientres se fai la obra…
EMPLEGU
Y DESARROLLU LLOCAL
Izquierda Xunida cudia y considera qu’un Conceyu progresista y tresformador tien de tener como
prioridá una política xeneradora d’emplegu.
Poro, tien que se garantizar l’emplegu de calidá que dependa de la institución, dientro d’unos calces de
negociación; con un marcu de rellaciones llaborales normalizáu, evitando na midida de lo posible, polítiques
llaborales que provoquen desigualdá ente los coleutivos de trabayadores.
• IX apuesta pola creación ya implantación de nueves empreses nel conceyu, desarrollando y facilitando
los trámites necesarios. Amás d’otros mecanismos necesarios pa la creación d’emplegu estable y de
calidá, como una oficina de desarrollu empresarial.
• Xestión tresparente de l’axudicación de solares y faces del polígonu de Bobes y poniendo delantre
les actividaes productores y tresformadores sobre les d’almacenaxe y distribución, con empreses
d’economía social y de primera actividá.
• Potenciar les escueles-taller y talleres d’emplegu a traviés d’una estratexa formativa flexible y
adaptada a les nueves realidaes.
• Creación d’una ventana única pa faer los trámites nel nivel del Conceyu.
• Plan de reformes de polígonos industriales y de la so señalización.
• Conexón de los polígonos industriales mediante tresporte públicu evitando a los/es trabayadores
costes en tiempu perdíu, accidentes y problemes pa concasar la vida llaboral y familiar. Que’l trentran llegue hasta Bobes y Lieres.
• Potenciar les polítiques sociales d’emplegu de xéneru, fomentando la inserción llaboral de la muyer
nos sectores onde tea menos representada, apoyando la so formación nestos campos, poniendo
particular atención en muyeres con especiales dificultaes pa incorporase al mercáu llaboral (mayores
de 40 años, con cargues familiares...) y desarrollar programes col oxetivu de concasar la vida familiar
y la llaboral.
• Desarrollu urxente de los activos ociosos d’HUNOSA en Solvay y Pumarabule, con empreses
compatibles cola conservación del entornu.
• Evitar dende’l Conceyu la contratación con E.T.T. (empreses de trabayu temporal) y con empreses
que faen usu abusivu de la privatización na contratación d’emplegos.
• Evitar la desllocalización d’empreses, calteniendo y aumentando’l texíu empresarial nel conceyu.
• Desarrollu del centru comercial abiertu, teniendo como exa la plaza cubierta. Midíes d’apoyu al
comerciu llocal: campañes del pequeñu comerciu, feries temátiques…
• Puesta en marcha del centru de formación de madera de Santa Marta.
• Establecer una escuela d’albañilería na casona de San Miguel de La Pola.
• Impulsu a la ganadería y agricultura ecolóxica, favoreciéndoles nes feries y concursos con premios
específicos. Bonificaciones fiscales nos servicios d’abastos y mercaos.
• Escuela d’agricultura ecolóxica na casa correos de Lieres.
• Xardinería y silvicultura en L’Acebera.
• Recuperación y rehabilitación del patrimoniu del conceyu con escueles–taller.
• Apoyar la inserción llaboral de les persones discapacitaes, con campañes de concienciación nes
empreses.
• En materia de seguridá ciudadana: mayor presencia de la policía na cai, asina como coordinación de
los cuerpos y fuercies de seguridá nel repartu de les sos competencies.
• Apoyu al grupu de voluntarios de proteición civil y fomentu de programes escolares coordinaos pa ello.
PAZ,
SOLIDARIDÁ Y DRECHOS HUMANOS
Presumimos con razón de ser una comunidá de xente solidario.Y nesta etapa, ciudadanos ya institución
aplicaron, con fechos concretos, esti espíritu y esta necesidá d’intervenir decisivamente con un programa
determinante en materia de drechos humanos, de paz, de cooperación internacional.
La guerra d’Iraq enseñómos que’l tratamientu bélicu de los problemes internacionales nun igua nada
y engafienta los conflictos masacrando a la población civil.Tamién mos enseñó qu’amazcarar de defensa de
la humanidá puercos intereses económicos tien el so preciu políticu.
Otros conflictos internacionales afálenmos a siguir trabayando pola paz y la solidaridá ente los
pueblos.
Propuestes concretes pa Siero:
• Caltener el 0,7 % del total de los presupuestos del Conceyu pa cooperación internacional,
felicitándomos tener llegao a esta partida.
• Aumentar la dotación del Premiu de Drechos Humanos del Conceyu Siero, potenciando’l so
espardimientu.
• Caltener y potenciar el Conseyu de Solidaridá de Siero: funcionamientu fluyíu cola vicepresidencia
nuna representación de les asociaciones.
• Que’l Conseyu de Solidaridá de Siero faiga un siguimientu de les campañes de solidaridá colos
habitantes del conceyu: erradicación del chabolismu, probitú, malos tratos...
• Esixir a les ONGs qu’acceden a les ayudes de cooperación internacional campañes de sensibilización
onde espliquen los sos proyeutos y la problemática de les contrapartes.
• Axilizar los trámites alministrativos en materia de cooperación y solidaridá, coordinándose con
otros Conceyos y el gobiernu autonómicu.
• Fomentar la formación y sensibilización del funcionariáu en materia de cooperación internacional.
• Apoyar la creación del Fondu Asturianu de Cooperación y Solidaridá.
• Campañes específiques de promoción y defensa consecuente de la educación pa la paz.
• Compromisu d’aplicación del código éticu y de conducta a les ONGs, alministración, empreses,
sindicatos, partíos políticos, ilesies...
• Promocionar el comerciu xustu y el consumu responsable.
• Promocionar la educación pal desarrollu.
• Mayor implicación dende’l Conceyu nos problemes y conflictos internacionales, utilizando pa ello
tolos preseos necesarios al nuesu algame.
ÁREA
DEPORTIVA
Izquierda Xunida sigue considerando, como nel anterior periodu eleutoral, que la práutica deportiva del
deporte base y popular ye ún de los elementos fundamentales d’un desarrollu social acordies, y que contribúi
enforma al afitamientu del texíu social. Poro, piensa que la política deportiva tien que siguir teniendo un pesu
importante nel Conceyu Siero, con especial atención a les persones con discapacidá física y psíquica, con una
ufierta pensada pa les sos necesidaes; pa ello proponemos una serie d’actuaciones importantes:
• Afitamientu y aumentu de la ufierta de les actividaes ofrecíes pol Patronatu de Deportes del
Conceyu Siero, dientro d’una apuesta pol deporte públicu de calidá, pero a precios asequibles pa la
ciudadanía. Va caltenese’l modelu de xestión pública y de servicios, con cuota única que permita la
práutica deportiva plural y familiar.
• El Patronatu de Deportes del Conceyu Siero va siguir siendo’l muérganu que centralice la xestión
deportiva, consolidando’l serviciu algamáu, asina como les condiciones llaborales y organizatives.
• Creación d’una carta de drechos y deberes de los usuarios, garantizando la calidá nos servicios ufríos.
• Incrementu de les collaboraciones colos clubes de deporte base, na llinia yá iniciada nestos cuatro
años, ameyorando instalaciones y abaratando costos.
• Creación y desarrollu d’una llinia d’apoyu al deporte escolar, conxuntamente coles AMPAS y
direiciones de los centros educativos públicos (yá tán esbozaos dalgunos aspeutos).
• Aumentar el númberu de beques económiques pa deportistes con ingresos escasos.
• Creación de circuitos de BTT.
• Aumentar la ufierta de l’actividá “Deporte na cai”, sobre too no referente a nueves modalidaes que
lleguen al sector de población más mozo.
• Amás apostamos poles siguientes inversiones:
- Consturyir piscines esteriores n’El Berrón y cancha descubierta adosada a estes, xunto con una
bolera.
- Contruyir un polideportivu na urbanización La Fresneda.
- Completar la reforma del polideportivu de La Pola Siero.
- Desarrollar el complexu deportivu d’El Vayu.
- Zarrar la pista polideportiva de Valdesoto.
- Reformar la pista de les escueles de La Pola.
- Construyir una pista cubierta cabo’l campu fútbol de L’Acebera.
- Ameyorar la pista d’atletismu de L’Acebera.
- Siguir cola meyora de les piscines de Lieres.
- Acabar les obres del campu del Ñora en Cualloto.
- Acabar el campu d’El Berrón (tercera fase). Preparar un área verde na parte sur. Reformar la
planta superior de la piscina climatizada de Llugones, instalando acondicionamientu d’aire.
- Siguir cola construcción de pistes en zonas rurales: La Collá, Bobes, Viella, Llimanes. Aumentu de
les siendes verdes.
- Inversión nel campu d’El Terreru (Santa Marta).
- Centru deportivu de Santa Marta.
Tola apuesta eleutoral d’IX nesta materia tien como oxetivu’l siguir acercando a la ciudadanía la mayor
variedá posible d’ufierta deportiva, atractiva pa los diferentes sectores, de manera que, ensin descuidar los
deportes mayoritarios, sigamos apoyando a aquellos deportes alternativos, que tienen gran enganche ente
la población, mayormente ente la mocedá.
EDUCACION
Y CULTURA
Dende IX consideramos la cultura como un importante valor pal desarrollu del individuu y de la
sociedá.
Pa IX ye fundamental el desarrollu d’una política cultural que se carauterice pola accesibilidá, la
participación na planificación y la collaboración col ampliu texíu cultural que desarrolla’l llabor nel conceyu
dientro de los diferentes ámbitos (musical, teatral, lliterariu, folclóricu...).
La política cultural tien que superar la simple ufierta d’actividaes, favoreciendo la integración y el
desarrollu áxil de les propuestes ciudadanes, la racionalización na xestión de los recursos y el desarrollu
de formes culturales alternatives a los modelos tradicionales. Dende IX apoyamos, a traviés de distintes
propuestes, la educación pública, porque potencia una igualdá real d’oportunidaes pa tola sociedá.
IX plantega como prioridaes
• Ellaboración d’un plan cultural añal d’actividaes, per aciu del que s’integren y se difundan, lo mesmo
les actividaes del patronatu como de les asociaciones y coleutivos.
• Apoyu a los centros escolare con diverses campañes: ellaboración de guíes y material audiovisual
de mediu ambiente, conocimientu del patrimoniu hestóricu, de les instituciones…
• Alcuerdos coles centros escolares pal espardimientu de la música, el teatru y demás artes.
• Collaboración ente centros escolares, asistencia social y policía del Conceyu pa eliminar la falta
d’asistencia a la escuela.
• Potenciar aules d’educación d’adultos. Desarrollar nueves programaciones.
• Dinamizar el Conseyu Escolar y apoyar les sos iniciatives.
• Desarrollar el program Cultura na Cai. Acercar les diferentes formes artístiques al ciudadanu.
• Desarrollar un programa de telebiblioteques, con serviciu itinerante pa emprestar fondos
bibliográficos.
• Potenciar programes d’educación pa la igualdá y campañes d’educación pa la paz y la solidaridá.
• Alcuerdu interalministrativu pa recuperar el patrimoniu arquiteutónicu estrozáu.
• Ampliar los horarios d’apertura de les instalaciones públiques.
• Siguir cola apertura de sales d’estudiu nos nucleos urbanos del conceyu.
• Axilizar la construcción del complexu cultural de La Pola Siero.
• Crear un premiu lliterariu pa producciones en llingua asturiana.
• Favorecer la instalación del cable en tol conceyu.
• Apoyar a les escueles infantiles de 0-3 años qu’hai nel conceyu. Ampliar la rede a El Berrón.
• Promocionar les artes escéniques mediante l’acomodu d’espacios pa ensayu y apoyar la producción
de compañíes sierenses.
• Promocionar la cinematografía cola creación d’un taller municipal audiovisual qu’esplore nueves víes
de creación d’emplegu pa xóvenes nesti sector y aporte espacios de trabayu pa los/es interesaos/es.
Facilitar espacios pa la exhibición de películes.
• Emisora de radio del Conceyu. Dotala d’un sitiu afayadizu y d’infraestructura téunica que permita la
so recepción en tol conceyu, concebida como un serviciu públicu dedicáu al fomentu de la cultura,
la información y l’entretenimientu, rexida por un conseyu xestor que garantice la so autonomía y
pluralidá.
• Boletín informativu cultural del Conceyu semestral, abiertu a tolos grupos políticos, asociaciones y
distintos coleutivos.
• Guía d’información del conceyu: puntos d’interés turísticu, rutes peatonales y cicloturístiques,
costumes y tradiciones.
• Creación d’un archivu d’imáxenes, que recueya material fotográfico aportao por particulares,
asociaciones...
• Caltenimientu de construcciones tradicionales y les rellacionaes cola actividá preindustrial: molinos,
llavaderos, hórros, etc.
• Potenciar la recuperación d’oficios y actividaes artesanales; apoyar a los talleres y a les feries
d’artesanía.
• Conveniu pluriañal cola Conseyería
d’Educación pa desarrollar proyeutos
o faer reformes nos colexos: zarru de
porches, acomodar canches…
• Paneles informativos en barrios y llugares
del conceyu, pa que la información llegue
a toles partes.
• Apoyar y aumentar les ayudes a les
actividaes estraescolares, calteniendo’l
sistema de puertes abiertes a la comunidá,
pero con una ampliación nos horarios
non llectivos.
SERVICIOS
SOCIALES
Pa IX de Siero les polítiques sociales son un tema de primerísimu interés dientro de l’actuación del
Conceyu y tienen que tar marcaes por un criteriu de xeneralidá, poniendo especial atención en persones
y coleutivos desfavorecíos y tratando tamién de desaniciar les situaciones de desarraigu y refugu.
Dalgunes propuestes d’IX Siero son:
• Reforzar l’ayuda a domiciliu, ampliando horarios y servicios, nel marcu de la llei de dependencia.
• Crear el serviciu de comida a domiciliu.
• Poner en funcionamientu un centru de nueche p’ancianos y dependientes.
• Estensión de les escueles infantiles de 0 a 3 años. Ampliación de places y horarios nes yá
esistentes.
• Aumentu de la collaboración con asociaciones d’aición social, per aciu de convenios reguladores.
• Plan interalministrativu de prevención del alcoholismu xuvenil o de nueves toxicomaníes.
• Collaborar coles distintes entidaes de recuperación de toxicómanos, lo mesmo en conceyu que
n’Asturies.
• Crear una rede de centros de día pa mocedá en situación de riesgu social, en La Pola, Llugones y El
Berrón.
• Espublizar una guía d’usuarios pa que la ciudadanía s’informe sobre los recursos de servicios sociales
qu’hai.
• Favorecer la integración de coleutivos desfavorecíos o en situación de riesgu social.
• Eliminar barreres arquiteutóniques lo mesmo esternes qu’internes. Criteriu básicu d’accesibilidá en
tolos proyeutos del Conceyu.
• Dotar y desarrollar el centru socio-sanitariu d’El Cotoyu, collaborando, na mayor midida posible,
coles entidaes concesionaries.
• Crear una oficina del INSS (Instituto Nacional de Servicios Sociales) d’atención al ciudadanu, pa la
xestión de recursos de serviciu públicu.
• Aplicar nos convenios urbanísticos, como norma xeneral, un porcentaxe superior al 25% de
viviendes con dalgún tipu de proteición, del total edificable.
• Aumentu de viviendes sociales y de proteición oficial en tolos convenios urbanísticos, polo menos
d’un 25%.
• Ellaborar una carta de drechos sociales nel conceyu Siero.
•
Desarrollar un plan integral d’infancia
en Siero.
•
Midíes de fomentu pa la participación
de la población d’inmigrantes en
movimientos asociativos del conceyu,
y dotar de centros d’orientación al
inmigrante, ensin que tenga que ver la
so situación llegal.
•
Desarrollar programes específicos
escontra’l refugu social, lo mesmo pa
mocedá como pa minoríes étniques y
otros coleutivos marxinales.
PARROQUIES. ZONA
RURAL
• Toles actuaciones públiques y privaes nes zones rurales de Siero tienen que se llevar a efeutu col
máximu respetu a les normes urbanístiques y medioambientales.Va reforzase la vixilancia municipal
al respeuto.
• Les grandes infraestructures qu’afeuten al conceyu tienen que cuntar con toles garantíes
medioambientales y col consensu vecinal.
• Priorizar les obres de saniamientu na inversión del Conceyu Siero.
• Completar la dotación de llocales pal desarrollu de la vida asociativa (centros sociales rurales).
• Acondicionar zones de folgueta en toles parroquies.
• Puntu d’accesu a internet en centros públicos en toles parroquies del conceyu.
• Participación direuta de los coleutivos vecinales y alcaldes de barriu na planificación presupuestaria
de les inversiones pa cada parroquia.
• Crear un Conseyu de Desarrollu Rural, que va tener como oxetivu encalzar la participación
ciudadana en toles actividaes rellacionaes col mediu rural.
• Ameyorar los servicios de tresporte públicu, vixilando’l cumplimientu y les concesiones sobre les
llinies de tresporte que yá hai.
• Colocar nueves marquesines pa tresporte públicu y xestionar nuevos apeaderos ferroviarios.
• Continuidá del plan de recuperación de fontes y llavaderos.
• Remocicar o construyir , polo menos, un vial en cada parroquia.
• Plan d’aforru d’enerxía llétrica nel allumáu públicu.
• Crear nuevos senderos señalizaos y tener en bones
condiciones los actuales.
• Crear en Lieres una escuela d’agricultura ecolóxica, col oxetivu
de formar y asesorar nes téuniques agraries ecolóxiques y
d’esparder esti tipu de práutiques ente la ciudadanía.
MOCEDÁ
La mocedá sufre como nengún otru sector social la realidá del nuevu
modelu económicu, que precariza emplegu, vida y ciudadanía. La inestabilidá
llaboral, les dificultaes a la hora d’atopar vivienda son parte de la so vida diaria
actualmente. N’IX nun almitimos estes realidaes como inamovibles, y asina,
nos últimos años de gobiernu nel Conceyu, avancemos yá en dalgunos d’estos
aspeutos, anque sabemos que queda muncho por percorrer; creemos bramente
qu’un criteriu esencial pa consiguilo ye l’autoxestión del movimientu xuvenil,
per aciu de preseos públicos de participación coleutiva, como’l Conseyu de la
Mocedá de Siero. Poro, pa los próximos cuatro años, comprometémosmos en siguir
avanzando, coles siguientes propuestes:
• Desarrollar actividaes dirixíes a la mocedá del conceyu, estableciendo
convenios y planes de subvenciones coles asociaciones del conceyu, pa faer
efeutiva la so participación.
• Siguir colos programes “Abierto Siero” como alternativa d’ociu.
• Xestionar dende l’Axencia de Desarrollu Llocal un plan específicu de trabayu pa mocedá, con
alcuerdos de cooperación ente’l Conceu y los polígonos industriales allugaos en Siero, pa desarrollar
programes de formación ya inserción dientro de les propies empreses.
• Diseñar y executar un plan de mocedá pa Siero, en collaboración colos coleutivos xuveniles, como
instrumentu-marcu de desarrollu de les polítiques xuveniles a cuatro años, programes preventivos
de conductes nocives, educación sexual, ociu alternativu...
• Crear el Conseyu de la Mocedá de Siero, como muérganu de participación y propuesta, y exa
central de les polítiques de mocedá
• Organizar un sistema de tresporte públicu nocherniegu les fines de selmana ente los distintos
puntos del conceyu y los núcleos urbanos, en función de la demanda.
• Dotación d’un llocal y equipamientu necesarios, con xestión del Conseyu de Mocedá de Siero.
• Inscribir al Conceyu como entidá d’unviu y acoyida del voluntariáu européu del programa de
mocedá.
POLÍTIQUES D’IGUALDÁ
El nuesu oxetivu perriba de cualesquier otra consideranza ye la llucha pola
igualdá, d’ehí que planteguemos la execución de polítiques qu’aborden direutamente la
problemática de la muyer en cata d’una discriminación positiva, como:
• Caltenimientu y afitamientu del Conseyu de la Muyer, siguiendo cola
collaboración coles ONGs que desarrollen programes dirixíos a la muyer
nel marcu de la cooperación.
•
Fomentu de la participación de la muyer na sociedá y na vida pública,
sobre manera nes zones rurales.
•
Pautu d’actuación escontra la violencia de xéneru de tolos partíos
políticos que constituyan la corporación; apoyando y desarrollando
programes de sensibilización social sobre malos tratos y sobre la
igualdá home – muyer.
• Plan d’inserción llaboral per aciu d’un pautu ente’l Conceyu y el
coleutivu empresarial de Siero, pa la integración nel mercáu llaboral
de les muyeres víctimes de la violencia de xéneru.
•
Organizar cursos de formación en xestión empresarial,
apurriendo los preseos necesarios pa que la muyer entame
los sos propios negocios.
•
Crear una conceyalía de la muyer, que coordine tola política
d’igualdá del Conceyu, dotándola de recursos suficientes.
• Viviendes d’alquiler destinaes a muyeres en situación de riesgu
de refugu social o pa l’atención a muyeres en situaciones
d’emerxencia.
•
Proponer acutu, nos programes llocales d’emplegu, pa
la muyer víctima de la violencia de xéneru.
PARTICIPACIÓN
CIUDADANA
El reglamentu de participación ciudadana ye ún de los llogros consiguíu por IX, gracies a tar gobernando
nel Conceyu.Ye un mediu a traviés del cual los ciudadanos y ciudadanes puen participar nos plenos, (previa
petición pel rexistru), pue accedese fácilmente a cualesquier información del Conceyu per canales ya
establecíes.Ye un métodu de participación, información y garantía de los drechos de la ciudadanía.
Nesti campu proponemos:
• Reformar y ampliar el reglamentu de participación ciudadana, dotándolu de los medios humanos y
materiales necesarios pa que seya efeutivu daveres.
• Ellaborar presupuestos participativos y tresparentes.
• Poner en marcha un Conceyu “na rede”, que faiga posible la realización de trámites alministrativos
per internet, asina como articular la participación ciudadana per esti mediu.
• Caltener la eleición democrática d’alcaldes de barriu nes distintes parroquies del conceyu.
• Dinamizar los conseyos sectoriales, con un mayor apoyu por parte del Conceyu a los yá afitaos y
creando aquellos conseyos nuevos que la corporación de Siero considere necesarios, como’l de la
mocedá.
• Actualizar constantemente la páxina web del Conceyu, amás d’implantar el software llibre na
alministración de Siero.
• Reforzar la oficina d’atención al ciudadanu.
• Instalar un buzón de reclamaciones y suxerencies en cada serviciu de l’alministración de Siero, col
compromisu de responder en menos d’un mes.
• Consultes vecinales a traviés del mecanismu de referéndum.
NORMALIZACIÓN
LLINGÜÍSTICA
La defensa de la nuesa llingua concasa cola reivindicación d’una cultura d’esquierdes, popular y de clas.
Nun queremos ser una esquierda abstracta y el nuesu espíritu combativu y solidariu empecipia por da-y
valor a la herencia del nuesu pueblu.
• Un asuntu clave pa cualquier llabor de normalización social de la llingua ye la situación llegal del
asturianu. Por munches iniciatives que s’entamen en defensa d’un idioma, si-y falta l’estatus d’oficial
va falta-y el pegollu fundamental. Poro, plantegamos la demanda d’oficialidá por parte de la
Corporación énte les instancies competentes del Principáu.
• La exa fundamental del trabayu del Conceyu a favor de la nuesa llingua pasa pela potenciación
del Serviciu de Normalización Llingüística (SNL). El llabor entamáu nel 2004 tien qu’afitase
ampliando les campañes de difusión y l’usu internu y esternu de la Casa Conceyu. Dos preseos
que mos paecen fundamentales pa esta llexislatura son: la creación del Conseyu Asesor
del Serviciu de Normalización Llingüística y l’aprobación d’unes ordenances
que regulen l’usu del asturianu nel conceyu. Tamién proponemos qu’una conceyalía asuma
esplícitamente la competencia de la normalización llingüística y que coordine un llabor
tresversal que comprometa a tola alministración na normalización, nun arrequexando al
asturianu nos aspeutos puramente culturales. En cuantes a la coordinación con otros SNL
y cola Oficina de Política Llingüística del Principáu d’Asturies, dende Siero va apoyase la
creación d’un consorciu qu’institucionalice la rellación ente los SNL y va esixise un conveniu
col Principáu como marcu necesariu p’afitar el llabor de los SNL.
• La decisión política de normalizar l’asturianu en tolos niveles de la Casa Conceyu necesita un
Plan de Normalización, la so redaición ye un asuntu téunicu, pero dende la nuesa voluntá política
proponemos:
IMAXE CORPORATIVA:
• Usar el logotipu del Conceyu n’asturianu o billingüe n’escritos, publicidá institucional, documentación,
vehículos, paneles, lletreros de les víes públiques y nos edificios del Conceyu, asina como seguir col
llabor de rotular les dependencies del conceyu.
• Siguir col llabor de rotular n’asturianu les distintes dependencies del Conceyu y organismos
autónomos.
• Usar l’asturianu nos paneles y na información de los nuevos proyeutos del Conceyu.
LLEXISLACIÓN:
• Redaición y aprobación d’unes ordenances pal usu de la llingua asturiana.
DOCUMENTACIÓN Y PUBLICIDÁ INSTITUCIONAL:
• Completar el llabor de garantizar que tola documentación oficial va dir billingüe (impresos,
espedientes, factures, ordenances, bandos, etc.), asina como la páxina web del Conceyu dafechu.
• Aumentar significativamente la presencia del asturianu na
y nos anuncios de prensa y radio.
AUTORIDAES Y PERSONAL:
• Facer usu del asturianu por parte de les autoridaes
del Conceyu.
• Garantizar l’usu del asturianu dientro de
l’alministración del Conceyu y nos documentos
que lleguen de la ciudadanía.
• Garantizar l’atención n’asturianu a la persona que
se dirixa nesa llingua a l’alministración.
• Siguir cola formación en llingua asturiana del
funcionariáu.
TOPONIMIA:
• Sofitar les propuestes de la Xunta de
Toponimia en cuantes a la recuperación de
los topónimos tradicionales. Sofitar el usu
de los topónimos autóctonos en señales,
mapes y documentos, potenciando su
usu en les nueves urbanizaciones y
edificios.
• Editar folletos
normalizada.
cola
toponimia
• Faer siguimientu de les nueves
publicidá institucional del conceyu
urbanizaciones y edificios, pa que’l so nome recueya la denominación tradicional de la zona.
EDUCACIÓN
• Siguir entamando cursos d’asturianu pa la ciudadanía y collaborar colos centros d’enseñanza y el
profesoráu nel so papel d’axentes de normalización llingüística.
SECTOR SOCIOECONÓMICU
• Siguir col llabor de concienciar al sector empresarial y comercial de les potencialidaes d’usar
l’asturianu na so imaxe publicitaria.
• Siguir entamando campañes que promuevan l’usu de la llingua asturiana como llingua d’usu y de
rellación cotidiana nel sector.
SECTOR SOCIOCULTURAL Y DEPORTIVU
• Trabayar pa concienciar a les asociaciones y entidaes deportives y culturales del so papel na
promoción de la llingua; promover el so usu, tanto na so imaxe, como nos estatutos y actividaes.
• Convocar un certame lliterariu.