Mošomo wa mangeloi a Modimo mo go rena

Mošomo wa mangeloi a Modimo mo go rena
Thero mo Ditiro 12:11
Palo ya Beibele: Ditiro 11:27-12:23
Temanathero: Ditiro 12:11
Mo therong ye re lebelela mošomo wa mangeloi wa go šireletša bana ba Modimo. Re thoma ka
go lebelela thoko ya se polotiki le a bophelo mo temaneng ya rena. Go be go na le tlala mo
nageng yeo. Gomme kgoši Heroda o be a nyaka yo a ka meago molato. O thomile ka go sola
Bakriste ka dilo tšohle tšeo di bego di phosagetše. Mmogo le baPharasei le bagolo ba Bajuda, ba
ile ba kwana ka kgopolo empe ya go hlokofatša Bakriste. Re bala gore kgoši Heroda o ile a
romela Jakobo kgolegong, yo mogolo mo phuthegong ya Jerusalema. Gomme re bala gore Jakobo
o ile a bolawa ga bohloko. Ge kgoši Heroda a bona gore seo a se dirago se kgahla Bajuda, o ile a
lahlela Petro kgolegong. Empa Petro o ile a se bolawe ka nako yeo. Heroda o ile a emela moletlo
wa Bajuda wo o bego o tlile go ba gona pele a ka mmolaya. Gore a kgone go lebelela tše
bohlokwa tša tiragalo yeo.
Empa ka se sebaka Kriste, go tšwa teroneng ya magodimong, o ile a kgetha gore bjale go lekane.
Ka go ba gona ka tsela ye e kgethegilego ya mangeloi a gagwe – masole a magolo ao a sa
bonagalego – Petro o ile a ntšwa mo kgolegong. Go diragetše ka tsela ya semaka! Mohlolo o
mogolo, wo e lego gore, le balatedi – ba dumelago ba sa kgolwe mahlo a bona, ge Petro a
iponagatša go bona.
Empa mo mošomo wa mangeloi o be o seso wa fela. Re bala gape ka ga hlokofatšo ya pheletso ya
bophelo bja Heroda. Ka lebaka la go roga Kriste le phuthego ya gagwe, o ile a bolawa go tšwa
legodimong.
Temana ya rena e re ruta gore re se ke ra kgegea, le mo dinakong tše boima. Re lemoge gore go
ka ba le mangeloi ao a re di kulogilego go širiletša phuthego ya Kriste kgahlanong le bobe.
Dinakong tše dingwe mangeloi a ka re isa mo tšeleng yeo e lokilego. Empa le ge go le bjalo re
Bakriste, ka nakong tše dingwe, re ba kgahlanong lethato ya godimo, melao ya maleba ya
Modimo wa rena. Gomme, bjalo ka ge Beibele e re ruta, motho yo a sa obamelego molao, o tlile
go gahlana le ditlamorago. Molao wa Modimo o re netefaletša bophelo bjo botse le bja
boitekanelo. Melao ya Modimo e re šireletša mo dikotsing, tša mathoko ohle. Empa, re leboga
kgaugelo ya Modimo, go a diragala dinakong tše dingwe, le ge re e ba kgahlanong le melao ya
gagwe, o romela mangeloi a gagwe go re šireletša mo bobeng bja ditlamorago tša ditiro tša
rena! Re leboga Modimo! Ga re a swanela go humana se. le ga go le bjalo re swanetše go lemoga
gore re ka se tswele pele ka sebe kgahlanong le Modimo wa rena wa magodimong. Yo a dirago
sebe bophelo bja gagwe, o tlile go bona gore ka nako yengwe Modimo o tlilego mo neela bobeng
bja ditlamorago tša bophelo bja gagwe bjo bobe. Bjale a nke re akgofeng re tshabeng Modimo re
boele go Yena le go melao ya gagwe.
Tebogo a e iswe go Modimo, gore o a re hlokomela ka tswele pele ya mošomo wa Moya o
Mokgethwa le Lentšu, gomme le tswelo pele ya go ba gona le tshireletso ya mangeloi a gagwe.
Amene.