Komunikado pa prensa

Komunikado pa prensa
Pa publikashon inmediato
Maneho di personal pagabel pa sektor empresarial mediano - i chikí
Spesial pa e sektor empresarial mediano - i chikí Coach Caribbean, VanEps Kunneman VanDoorne
advocaten, Keycomp ICT i Arbo Consult a uni forsa pa desaroyá HR Support. Den práktika e servisio
aki ta konsistí di un abono mensual riba un konsehero di personal ku ta kombiná e servisio pa e
organisashonnan aki ku ta traha huntu. E fórmula aki, bon pensá i pon’é na prueba, ta hasi posibel ku
empresarionan den sektor empresarial mediano - i chikí por duna kontenido na nan maneho di
personal di forma ku nan por dirigí nan mes riba e loke ku nan ta hasi mihó: esta hasi negoshi!
Hopi empresario den sektor empresarial mediano – i chikí na Kòrsou no ta disponé di sufisiente
konosementu i eksperensia pa duna kontenido responsabel na maneho di personal. Pa e motibu ei den
mayoria kaso ta kana tras di hechonan: te ora ku kos ta bai robes ta envolví ekspertonan.
Abogadonan i konseheronan den mayoria kaso por hasi un análisis di e situashon, pero no por drecha
masha kos. Esaki hopi biaha ta resultá den kasonan (karu) den korte, un areglo (kostoso) i gastunan di e
hopi oranan ku ekspertonan mester a traha. I ku esei ainda e problema no ta resolvé, pasobra no por
papia di un maneho di personal struktural.
E konsehero di personal ta perkurá entre otro pa traha i manehá fail di personal, pero alabes ta regla
asuntunan na nivel di maneho, manera e.o. traha tabèlnan di salario, duna kontenido na un sistema di
funshonamentu i husgamentu i un enfoke efisiente di apsentismo na trabou. HR Support ta pone
empresarionan den sektor empresarial mediano - i chikí den e posishon di duna kontenido na nan
maneho di personal di un forma pagabel i profeshonal di forma ku nan por dirigí nan mes
kompletamente riba e loke ku nan ta bon den dje: hasi negoshi.
HR Support
Pa mas informashon:
Coach Caribbean
(+5999) 462 6224
Persona di kontakto:
Marieke Veenis (HR Consultant)