Ta hopi importante pa Aruba bai den direccion di

Ta hopi importante pa Aruba bai den direccion di

Edward Cheung: Ta hopi importante pa Aruba bai den direccion di energia renovable
Sunday, 30 October 2011 17:16
Den un entrevista cu dr. Edward Cheung, el a referi na e di dos “Green Energy Conference” teni na Aruba como uno hopi special y un previlegio, y e kier yuda
pa Aruba crece den e tipo di economia aki. E ta haya cu ta hopi importante pa Aruba bay den direccion di energia renovable manera ta e caso den mayoria
pais na mundo.
Cheung no ta mira energia renovable como algo cu paisnan grandi so por desaroya. El a bisa cu e islanan chikito manera Aruba tambe por, y tin biaha hasta na un forma
mas efectivo ainda. Por ehemplo Bonaire, ta usa casi 75% di energia di biento hopi efectivo y e ta kere cu e islanan chikito mas bien por mustra e paisnan grandi con pa
haci esaki. “E empuhe pa haci investigacionnan riba tereno di energia alternativo mester sosode, pasobra tin demanda pe, y gradualmente e gobiernonan lo realiza esaki,
pasobra e descubrimento di petroleo no ta hopi mas, y nan gastonan ta hopi halto”, el a bisa. Esaki ta algo cu cada gobierno mester descubri den nan mes curazon y
ehecute, ta e pensamento di sr. Cheung.
El a splica tambe cu e no ta un experto den research di “green energy” loke e ta reconoce pero e tin cu “make sure” cu e expertonan por haci nan trabao, referiendo na
TNO Institute. E instituto aki tin e meta di stimula e hobennan cu Aruba tin un link directo cu e centro di tecnologia aki, y cu esey ta representa pa nan un oportunidad
pa bay den direccion di energia renovable, y pa considera un carera den e direccion aki. Su unico rol den TNO ta cu e ta hiba su nomber, locual e ta aprecia hopi, pero e no
kier mishi cu e meta di e lugar, pa cual e tin hopi respet. El a bisa cu solamente e kier tin un lugar pa intercambia idea y cu e por aporta treciendo personanan di NASA pa
yuda nan cu e meta di e centro, y duna su apoyo na esaki. Bunita palabranan el a expresa na final, cu unda cu e bay den cual centro di NASA cu e ta, semper e ta corda
riba e cien mil hende di Aruba cu ta dune support y esaki ta algo cu e ta aprecia hopi.